Ndërtohet çezmja në Çarshin e Vjetër në shërbim të qytetarëve
• Kryetari i komunës së Çairit, z-ri Izet Mexhiti me bashkëpunëtoret e tij nënshkroi kontratën për bashkëpunim me fondin e Holokaustit te hebrenjve të RM. Me donacion të këtij fondi në vlerë prej 750 mijë denar, komuna e Çairit bën ndërtimin e një çezme e cila do të jetë e vendosur në Çarshinë e vjetër më saktësisht ne platon në afërsi te xhamisë se Murat Pashës.
Punët për vendosjen e çezmës sipas marrëveshjes do te kryhen deri 11 mars 2009 ku do te behet edhe hapja solemne e çezmës.
Kjo çezme ka për qëllim rregullimin e ambientit për revidimin e Çarshisë.
Komuna e Çairit do te pasurohet me një qendër universitare
• Komuna e Çairit, e perfaqsuar nga kryeatari z-ri Izet Mexhiti dhe Universiteti ndërkombëtar i Ballkanit, i përfaqësuar nga rektori prof.dr. Hyner Shenxhan, nënshkruan një memorandum për bashkëpunim .
Nënshkrimi i këtij memorandumi është i rëndësishëm për të dy palët sepse së shpejti parashihet që në një afat optimal të hulumtohen mundësitë për materijalizimin e këtij memorandumi.
Pas implementimit të mundshëm të dispozitave të këtij memorandumi do të
krijohen kushte te mira për arsim cilësor dhe përgatitjes se kuadrove të profileve të ndryshme që do të dalin nga kjo qendër. Sipas deklarimit te kryetarit z-ri Izet Mexhiti, synimi është që Komuna Çair të shëndrohet ne një komunë universitetesh.
Urime Festën e 28 Nëntorit – Ditës së Flamurit
• Kryetari i Komunës së Çairit, z. Izet Mexhiti, të gjithë shqiptarëve kudo që janë ua uron Festën e 28 Nëntorit – Ditës së Flamurit.Njëherit edhe të gjithë shqiptarëve të Maqedonisë ua uron hapjen e Muzeut të Lirisë në Shkup i cili është monumenti më i ri kulturor i shqiptarëve në vend që hapet në këtë përvjetor të shpalljes së pavarësisë së Shqipërisë - 28 nëntorit.
Medreseja për Femra-Isa Beu
• Sot u bë shpalosja e proektit nga ana e kryetarit të Komunës Çair, Izet Mexhiti, për ndërtimin e Medreses për femra, Isa Beu. Ai theksoi se ky është vendi ku edhe para shumë viteve ka funkcionuar Medreseja, por pastaj është dislokuar diku tjetër. "Ne sot po shpalosim projektin për ndërtimin e Medreses në po atë vend ku ka qenë edhe më parë.
Ky është një projekt shum modern, dhe në bashkëpunim me donatorin nga Turqia ne do të realizojmë shumë shpejtë këtë ndërtim." theksoi Mexhiti. Projektin e ka përgatitur Enti për mbrojtjen e Monumenteve nga Konje e Turqisë, dhe korespondon me autenticitetin e ndrëtimeve të kësaj rrethine.
